Eskolako atsedenaldiko txirrinak jotzen du, batzuek hamaiketakoa hartzen dute eta beste batzuek futboleko baloia hartu eta patiora irteten dira ziztu bizian.
Hori ikastetxe askoren egunorokotasuna da, eta ez du zertan arazo izan, espazioa oso mugatuta ez badago behintzat. Eta ikastetxe batean baino gehiagotan, hori da ohikoena.
Eskoletan galdetu ondoren, futbolak gainerako jarduerekin espazioa partekatzea behin eta berriz errepikatzen den arazoa da. Alferrikako saiakera askoren ondoren, debekua da funtzionatzen duen gauza bakarra.
Osasun-aktiboak lantzerakoan ikusi dugu futbola arazo-aktibo bat dela, osasun-aktibo bat baino gehiago. Hau da, ikastetxeko aberastasunen artean, futbola beti da nagusi, baina beti irekitzen du eztabaidarako gune bat ikasleen artean.
“Lagunduko gaituzue patioan lekua lortzen?”
Pedagogiako profesionalek, irakasleek eta Hezkuntzako gainerako adituek konpondu ezin izan dutena ere ez zegoen gure esku. Haiek bakarrik jar dezakete konponbidea.
Aktibatuz proiektuaren barruan, ikasleekin batera lan egiten dugu ikastetxeko osasun-aktibo garrantzitsuenak defini ditzaten. Horretarako, eztabaidarako gune bat eskaintzen zaie, eta hori egin genuen.
Hasteko, hamar minutuko isilunea eskatu genien futbolzaleei. Horrela, patioko izkina batean zokoratuta zeudenak entzun zituzten, jolasten ari direnean kontuz pasatu behar direnak, alegia.
Haien ahotsak luze entzun ziren, bakoitzak bere ikuspegia eta kexak azaldu ahal izateko. Bitxiena haien “sekula ez dira kexatu!” izan zen. Egia esan, etengabe kexatu dira, baina ez dituzte orain arte entzun. Eztabaidak ez zuenean gehiagorako ematen, konponbideak eta baldintzak emateko garaia zela erabaki genuen.
Lehenengo irtenbidea: patioa erdibanatzea, alde batean futbolean jolasteko eta, bestean, nahi den gainontzekorako. Bigarren irtenbidea: egunero jarduera desberdin bat egitea, nahi duten ikasle guztiek parte hartu ahal izateko.
Boto sekretuaren bidez, zale amorratuenek gainerakoak baldintzatu ez zitzaten, gehien-gehienek bigarrenaren alde egin zuten. Tailerra amaitu egin genuen eta behintzat haien artean hitz egin zutela pentsatuz joan ginen. Hurrengo astean, zoriontsu gainera etorri zitzaizkigun; antolatu zuten, lortu zuten.
Futbola ez da patioko erregea, ikasleak baizik!
Zorionak, heldu askok lortu ez duguna lortu duzue zuek.